काठमाडौं, 8 फरवरी 2023
नेकपा (एमाले)का उपाध्यक्ष एवम् पूर्वसभामुख सुवास नेम्वाङले संघीय संसद् भवनभित्रै ‘पत्रकार भेटघाट कक्ष’ स्थापना गर्नुपर्ने प्रस्ताव गरेका छन् । बुधबार बसेको प्रतिनिधिसभा नियमावली मस्यौदा समितिको बैठकमा उनले यस्तो प्रस्ताव राखेका हुन् । संसद् भवनको मूलगेटमा पत्रकारहरु बन्दुक तेर्स्याए जसरी क्यामेरा तेर्स्याएर बस्नुपर्ने अवस्था रहेको भन्दै त्यसलाई व्यवस्थित गर्नका लागि पत्रकार भेटघाट कक्ष उपयुक्त हुने उनको भनाइ थियो । सो कक्ष दलका नेताहरु, सांसदहरु र संघीय संसद् सचिवालयका पदाधिकारीहरुलाई पत्रकार भेटघाटका लागि पनि सहज हुने नेता नेम्वाङको सुझाव छ ।
