काठमाडौं, 19 मई 2022
सभामुख अग्निप्रसाद सापकोटाले बजेटको सिद्धान्त र प्राथमिकता छलफल हुँदा सदनमा उपस्थीत हुन अर्थमन्त्री जनार्दन शर्मालाई निर्देशन दिनुभएको छ । बिहीबार प्रतिनिधिभा बैठकमा एमाले संसदीय दलका प्रमुख सचेतक विशाल भट्टराईले बजेटका बिषयमा छलफल हुँदा अर्थमन्त्री सहभागी नभएको भन्दै सभामुखको ध्यानाकर्षण गराउनुभएको थियो । त्यसपछि सभामुख सापकोटाले सदनमा उपस्थीत हुन अर्थमन्त्री शर्मालाई निर्देशन दिनुभएको हो । त्यस्तै उहाले अर्थमन्त्री शर्मा उपस्थीत नभएका बेला उपस्थीत मन्त्रीहरुले गम्भीरता दिन पनि निर्देशन दिनुभयो । सदनमा बजेट छलफल भइरहंदा सरकारका मन्त्री तथा सांसदहरुको सहभागीता न्युन छ ।
