काठमाडौँ, १९ फरवरी, २०२०
सुनको मूल्यले नयाँ रेकर्ड बनाउँदै अघि बढेको छ । हिजो बनाएको रेकर्डलाई तोडदै सुन प्रतितोला ७७ हजार १ सयमा पुगेको छ । यो हालसम्मकै उच्च मूल्य हो ।
हिजो एक तोला सुनको मुल्य ७६ हजार ७ सय थियो । तर, आज एक तोला सुन ७७ हजार १ सय भएको छ ।
प्रतितोला ७६ हजार ७ सयमा कारोबार हुँदै आएको एक दिनमै ४ सयले बढेर ७७ हजार १ सय पुगेको हो ।
सुनको भाउ अहिलेसम्मकै उच्च मूल्यमा पुगेको नेपाल सुनचाँदी व्यवसायी महासंघले जनाएको छ ।
