नयाँ दिल्ली, २२ जनवरी
अमेरिकी सिनेटमा राष्ट्रपति डोनाल्ड ट्रम्पविरुद्ध पेस भएको महाभियोग प्रस्तावमा सुनुवाइ सुरु भएको छ ।
आफ्ना राजनीतिक प्रतिस्पर्धीलाई समाप्त पार्न युक्रेनको साथ मागेर पद दुरुपयोग गरेको आरोप ट्रम्पमाथि छ ।
पूर्वउपराष्ट्रपति समेत रहेका जो बाइडन र उनका छोरालाई भ्रष्टाचारको मुद्दामा फसाउन युक्रेनी समकक्षीलाई ट्रम्पले टेलिफोन गरेको विपक्षीले दाबी गरेका छन् ।
ट्रम्प प्रशासन र युक्रेनबीचका सम्पर्कसम्बन्धी थप दस्ताबेजहरू ह्वाइट हाउसबाट मगाउनु पर्ने संशोधन प्रस्ताव विपक्षीले राखेका थिए । तर रिपब्लिकनले त्यसलाई विफल तुल्याइदिएका छन् ।
बीबीसीका अनुसार, दुई प्रस्ताव विफलपछि रिपब्लिकन तथा डेमोक्र्याटहरू महाभियोग प्रक्रिया कसरी अगाडि बढाउने भन्ने विषयमा अहिले बहस गरिरहेका छन् ।
सिनेटमा ट्रम्प आबद्ध दल रिपब्लिकन पार्टीको बहुमत छ । नेता मिच मक्कोनेलले सुनुवाइमा भाग लिँदै महाभियोग मुद्दाका प्रमुख साक्षी र दस्ताबेजलाई झिकाउन नहुने मत जायर गरेका छन् । उनीहरू महाभियोग मुद्दाका साक्षी र दस्ताबेज झिकेर यो मामलाको छिनोफानो गर्नुपर्ने अडानमा छन् ।
