हिमाचल प्रदेश, 26 जुन 2021
रोजगारीका लागि ठूलो संख्यामा नेपालीहरु जाने हिमाचल प्रदेशमा एक पहिचान खुल्न नसकेका नेपालीको दुर्घटनामा परि निधन भएको छ । हिमाचल प्रदेशको कुल्लुस्थित ग्यामन पुलको छेउमा दुर्घटनामा परि निधन भएको मूल प्रवाह अखिल भारत नेपाली एकता समाज भुन्तर नगर समितिका अध्यक्ष कन्हैया चौधरीले बताउनु भएको छ । पुलिसले दिएको जानकारीका अनुसार तस्वीरमा देखिएका नेपालीलाई बाटोमा पैदल गइरहेका बेला मोटर साईकलले ठक्कर दिएको हो । उनको दुर्घटनापछि घटनास्थलमै ज्यान गएको जनाइएको छ । मृतकको साथबाट पहिचान खुल्ने कुनै कागजात भेटिएको छैन । पुलिसले मृतकको परिवारलाई खोज्न सहयोग गर्न भनेपछि मूल प्रवाहले परिवारको पहिचानका लागि तस्वीर सार्वजनिक गरिदिन भनेको छ । मूल प्रवाह भुन्तुरका अध्यक्ष कन्हैया चौधरीले तस्वीरमा देखिएका व्यक्तिलाई चिन्नु भएकाहरुलाई सम्पर्कमा आउन आग्रह गर्नुभएको छ । उहाँले शवलाई चिन्नुहुनेलाई मूल प्रवाहको नजिकको कार्यालयमा सम्पर्क गरिदिन आग्रह गर्नु भएको छ । उहाँले भारतमा रोजगारीका लागि आउने कयौं नेपालीहरुको विभिन्न कारणले मृत्यु हुने गरेको र उनिहरुसँग पहिचान खुल्ने नागरिकता लगायतका प्रमाण नहुने भएकाले कयौंको लास समेत परिवारले पाउने अवस्था रहेको भन्दै भारत आउने सबै नेपालीहरुलाई आफ्नो नागरिकता लगायतका प्रमाण पत्रहरु लिएर आउन आग्रह गर्नु भएको छ ।
