दार्जिलिङ्ग, 3 जनवरी 2020 / कायेश अंसारी
पश्चिम बङ्गालकी मुख्यमन्त्री ममता बेनर्जीले नागरिकता संशोधन विधेयक र राष्ट्रिय नागरिक पञ्जीकरण विधेयकको विरोधमा सिलिगुडी शहरमा वृहत ऱ्याली प्रदर्शन गर्नुभएको छ।
मल्लागुडीबाट सुरू भएको ऱ्याली सिलिगुडी शहरमा प्रवेश गरेको थियो र बागताटीम पार्कमा पुगेर समाप्त भएको थियो। जहाँ मुख्यमन्त्री बेनर्जीले सम्बोधन गर्नुभएको थियो। पहाडका विभिन्न विकास परिषद्का मानिसहरूले ऱ्यालीमा सहभागिता जनाएका थिए।
नागरिकता संशोधन विधेयक (सीएए), 2019 भारतको संसदद्वारा 11 डिसेम्बर 2019-मा पारित गरिएको थियो। संशोधित विधेयकअनुसार बाङ्गलादेश, पाकिस्तान र अफगानिस्तानबाट आएका हिन्दुलगायत सिख, बौद्ध, जैन, पारसी र इसाइ धर्मावलम्वीहरूलाई सजिलै भारतीय नागरिकता प्राप्त हुनेछ।
नागरिकता संशोधन विधेयकको उत्तरपूर्वी राज्यहरूलगायत कैयौँ राज्यहरूमा विरोध प्रदर्शन भइरहेको छ।
