सुबास बस्नेत, नयाँ दिल्ली
विश्व प्रशिद्द संस्था पतंजली योग पिठले आफ्नो सेवाको २५औ साल पुरा भएको शुभअवसरमा रजत जयन्ति महोत्शव मनाएको छ । यसै संधर्भमा पतंजली संग आवद्द “हाम्रो स्वाभिमान ट्रस्ट”ले समेत आइतबार दिल्लीको सावित्री नगर स्थित सनातन शिव मंदिर परिसरमा एक विशेस कार्यक्रमको आयोजना गरि धूमधाम संग जयन्ति महोत्शव मनाएको छ ।
हाम्रो स्वाभिमान ट्रस्टकी राष्ट्रिय संयोजक अनिता क्षेत्रीले समारोह बोल्दै “यदि पुरै विश्वमा कपालभाति र अनुलोमविलोमको ब्याख्या कसैले गर्दछ भने त्यसमा केवल पतंजलि संस्थाको २५ वर्षको योगदान रहेको बताईन।” योग, आयुर्वेद, स्वदेशी, वैदिक संस्कृति, सेवा, साधना एवं संघर्षको लागी परिचित पतंजलि संस्था विश्व प्रशिद्द सस्था हो ।
योग, आयुर्वेद, स्वदेशी एवं वैदिक संस्कृति द्वारा राष्ट्र तथा मानव सेवा समर्पित पतंजलि संस्थाले पुरै विश्वमा निस्वार्थ सेवा प्रदान गरेर करोडौ मानिसलाइ शारीरिक तथा मानसिक स्वास्थ्य प्रदान गर्ने महान कार्य गरेको संयोजक क्षेत्रीले बताइन ।
योगागुरुहरु लक्ष्मी कुवँर र शिवलाल ज्ञवाली द्वारा सामूहिक योग गराई सुरु गरिएको कार्यक्रममा हाम्रो स्वाभिमान ट्रस्टका अध्यक्ष नारायण श्रेष्ठ, केन्द्रिय महामंत्री प्रेम क्षेत्री, कोषाध्यक्ष दिलबहादुर थापा, महिला अध्यक्ष ललिता दत्त, उपाध्यक्ष अन्जु मल्ल लगाएत राज्य तथा जिल्लाका सदस्यहरु उपस्थित थिए । कार्यक्रममा सामूहिक वैदिक यज्ञ र हवन समेत गरिएको थियो ।
