नयाँ दिल्ली, 15 जनवरी 2020
आज देशभर 72-औँ सेना दिवस मनाईँदैछ। आज कै दिन 1949-मा देशका पहिलो कमाण्डर-इन-चीफ फील्ड मार्शल के.एम करियप्पाले अन्तिम ब्रिटिश कमाण्डर-इन-चीफ एफ.आर.आर बुशरबाट सैन्य कमान लिनुभएको थियो। यस अवसरमा थलसेना प्रमुख जनरल मनोज मुकुन्द नरवणेले सबै सैन्य कर्मीहरू, उनिहरूरका परिवार, अवकाश प्राप्त सैनिक, तथा सशस्त्र बललाई बधाई दिनुभएको छ। आफ्नो सन्देशमा उहाँले भारतीय सेनाले उच्च स्तरको दक्षता प्रदर्शन गरेको र यो कयौँ जटिल सुरक्षा चुनौतीसित निप्टिन सफल भएको बताउनुभयो।
राष्ट्रपति, उपराष्ट्रपति र प्रधानमन्त्रीले सेना दिवसको अवसरमा भारतीय सेनाका वीर जवानहरू, अवकाश प्राप्त सैन्यकर्मीहरू र उनिहरूका परिवारहरूलाई बधाई दिनुभएको छ। एक ट्वीटमा राष्ट्रपति रामनाथ कोविन्ले भारतीय सेना राष्ट्रको गौरव र स्वतन्त्रताको रक्षक भएको बताउनुभयो।
त्यस्तै उपराष्ट्रपति एम. वेंकैया नायडूले आफ्नो ट्वीट संदेशमा भारतीय सेनाका जवानहरू र महिलाहरूलाई देशको सीमामा उनहरूको उपस्थितीको लागि प्रणाम गर्नुभयो।
प्रधानमन्त्री नरेन्द्र मोदीले आफ्नो ट्वीट संदेशमा भारतीय सेना भारत माताको गौरव भएको बताउनुभयो। उहाँले देशका सबै सैनिकहरूको साहस र बहादुरीको सराहना गर्नुभयो।
