गुजरात, 17 जनवरी 2020
भारत र अस्ट्रेलिया बीच तीन म्याचहरू एकदिवसीय अन्तर्राष्ट्रिय क्रीकेट शृङ्खलाको दोस्रा म्याचमा भारत विजयी भएको छ। भारतले शुक्रबार राजकोटमा भएको म्याचमा अस्ट्रेलियालाई 36 रनले पराजित गरेको हो।
जितसँगै भारतले शृङ्खला 1-1 ले बराबरी गरेको छ। यसपूर्व शृङ्खलाको पहिलो म्याचमा अस्ट्रेलियाले भारतलाई 10 विकेटले पराजित गरेको थियो।
टस हारेर पहिले ब्याटिङ गर्ने निम्तो पाएको भारतले 50 ओभरमा 6 विकेट गुमाएर क्षतिमा 340 रन बनाएको थियो।
भारतका लागि ओपनर शिखर धवनले 90 बलमा सर्वाधिक 96 रनको योगदान गरे। शतक बनाउन चुकेका उनले 13 चौका र 1 छक्का प्रहार गरेका थिए। त्यसैगरी कप्तान विराट कोहलीले 76 बलमा 78 रन बनाए भने लोकेश राहुलले 52 बलमा 80 रनको योगदान गरे।
अस्ट्रेलियाको तर्फबाट एडम जाम्पाले 3 विकेट लिए भने केन रिचार्डसनले 2 विकेट लिए।
341 रनको लक्ष्य पछ्याएको अस्ट्रेलिया 49.1 ओभरमा 304 रन बनाएर अलआउट भयो। अस्ट्रेलियाका लागि स्टिभ स्मिथले सर्वाधिक 98 रन बनाए भने मार्नोस लाबुसचेन्जले 46 रनको योगदान गरे।
भारतको तर्फबाट मोहमद सामीले 3 विकेट लिए। त्यसैगरी कुलदिप यादव, नवदीप सैनी र रविन्द्र जडेजाले समान 2-2 विकेट लिए। जसप्रीत बुमराहले 1 विकेट लिए।
खेलमा ललोकेश राहुल म्यान अफ दि म्याच घोषित भए।
