चेन्नई, 20 जनवरी 2020
वित्तमन्त्री निर्मला सीतारामणले 5 ट्रिलियन डलर अर्थव्यवस्थाको लक्ष्य हासिल गर्नको लागि सरकारले सबै सम्बन्धित पक्षहरूसित मिलेर काम गर्ने बताउनुभएको छ। चेन्नईमा नानी पालकीवाला शताब्दीमा भाषण गर्दै उहाँले 5 ट्रिलियन डलर अर्थव्यवस्था कुनै अमूर्त विचार नभएर व्यावहारिक भएको बताउनुभयो। मन्त्री सीतारामनले क्रान्तिकारी परिवर्तनबाट वृद्धिमा मोदी सरकारको विश्वास रहेको बताउनुभयो। उहाँले भारतमा भएको डिजिटल कारोबारमा महत्त्वपूर्ण बढोत्तरीबाट सारा विश्वलाई प्रेरणा मिलेको तर्क गर्नुभयो।
वित्तमन्त्रीले केन्द्र सरकारले आगामी पाँच वर्षमा पूर्वाधार विकासमा 100 लाख करोड रूपैयाँभन्दा बढी व्यय गर्ने बताउनुभयो। उहाँले भारतको अर्थव्यवस्था अस्पष्ट नभएर स्पष्ट नियमहरूमा आधारित रहेको बताउनुभयो।
