दार्जीलिङ, 21 जनवरी/ कयेश अंसारी
दार्जीलिङ पहाडको 3 दिने भ्रमणमा रहनु भएकी पश्चिम बंगालकी मुख्यमन्त्री ममता बनर्जीले आज साना नानीहरु प्रति माया दर्शाउनु भएको छ । रिचमण्ड हीलबाट निस्किएर मुख्यमन्त्रीले मल रोडमा नानीहरूलाई पोलियो थोपा खुवाउनुभयो भने उनिहरूलाई न्यानो कपडा पनि वितरण गर्नुभयो।
मुख्यमन्त्री बनर्जी नागरिकता सम्बन्धि विभिन्न कानूनहरुको विरोध ऱ्यालीहरू प्रदर्शन गर्न र नेताजी सुभाष चन्द्र बोसको जन्म-जयन्ती समारोह मनाउन दार्जिलिङ पुग्नुभएको हो। मुख्यमन्त्री बनर्जीले भोली नागरिकता संशोधन कानून (CAA), आसाम सरकारले लागु गरेको राष्ट्रीय नागरिकता पंजीकरण (NRC) र नागरिकता जनसंख्या पंजीकरण (NPR) को विरोधमा रैली गर्नु हुनेछ । भानु भवनबाट रैली निस्कने छ भने टाउनको परिक्रमा गर्दै मोटर स्टेशनमा पुगेर समापन हुनेछ । उहाँले बिहीवार दार्जीलिङको मलमा आयोजित हुने नेताजी सुभाष चन्द्र बोसको जन्मजयन्ती समारोहमा पनि सहभागिता जनाउनु हुनेछ।
मुख्यमन्त्री ममता बनर्जीले केन्द्र सरकारले लागु गरेको नागरिकता संशोधन कानून (CAA), आसाम सरकारले लागु गरेको राष्ट्रीय नागरिकता पंजीकरण (NRC) र नागरिकता जनसंख्या पंजीकरण (NPR) को विरोध गर्दै आउनु भएको छ।
