दार्जीलिङ, 30 जनवरी/कयेश अंसारी
आज माघ शुक्ल पंचमी अर्थात बसंत पंचमी विद्याकी देवी सरस्वतीको पुजा गरेर मनाईदैछ । पश्चिम बंगालको दार्जीलिङ अन्तर्गत रङ्गबुलमा पनि विद्याकी देवी सरस्वतीको पुजाआजा गरिदैछ । सरस्वतीको पुजा मनाउन रङ्गबुलमा सिधालाईन परिवारले भव्य पंडाल लगाएको छ। हरेक वर्ष सिधालाईनका स्थानिय युवाले सरस्वती पुजाको दिन विशाल पुजाको आयोजना गर्ने गर्दछन । यस वर्ष सिधालाईनका स्थानिय युवाले ठूलो पंडाल लगाएर सरस्वति पुजाको आयोजना गरेका हुन । पुजा पंडाल बनाउने युवाहरु पेशागत नभएर उनिहरु दार्जीलिङका विभिन्न कलेजमा अध्ययन गर्ने विद्यार्थीहरु हुन । आज विहानैदेखि विद्यार्थीहरुले पुजा पंडालमा पुगेर सरस्वतीको पुजा गरिरहेका छन । बसन्त पंचमीबाट बसंत ऋतुको शुरुआत हुन्छ भन्ने मान्यता रहिआएको छ । पंचाङ्गमा भेदका कारण यस वर्ष बसंत पंचमी बुधवार र बिहीवार गरि 2 दिन मनाईदैछ । पंचमीको दिनलाई किनमेल, मंगल कार्य, व्यापार र विद्या आरंभ सहित सम्पूर्ण शुभ कामका लागि राम्रो संयोग मानिन्छ। बसंत पंचमीका दिन पहिलो पटक स्कूल जाने बालवालिकाहरुको विद्यारंभ गराउनु राम्रो हुन्छ भन्ने मान्यता रहेको छ ।
