नयाँदिल्ली,३१ जनवरी
भारतको  उत्तर प्रदेशका हत्याका अभियुक्त ले बन्धक बनाइएका २३ बालबालिकाहरूलाई उद्धार गरिएको छ । प्रहरीले फर्रुखाबादको एक गाउँमा बन्धक बनाउने व्यक्ति लाई मारेपछि हिजो राति बालबालिकाहरूकोे सकुशल उद्धार गरिएको हो । आफ्नो छोरीको जन्मदिनको समारोहमा बोलाएर अभियुक्त ले बालबालिकाहरूलाई बन्धक बनाएको थियो । यो बन्धक बनाउने काम हिजो दिउँसो कसारिया गाउँमा सुरु भएर लगभग ८ घण्टा चलेको थियो । अभियुक्त ले बालबालिकाहरूलाई किन बन्धक बनाएको थियो भन्ने कुरा अहिले स्पष्ट भएको छैन । मुख्यमन्त्री योगिआदित्यनाथले स्थितिको निगरानी गर्नुभएको थियो ।