नयाँदिल्ली,१ फेब्रुअरी
चिनिँया दूतावासले चीनमा रहेका सबै नेपालीको स्वास्थ्यको ग्यारेन्टी चीनले लिने बताएको छ ।
‘नेपालीहरुको जायज अधिकार र इच्छाको रक्षा गर्न चीनले सदैव सक्रियतासाथ पहलकदमी गरिरहनेछ, कृपया ढुक्क हुनुहोस्,’ काठमाडौंस्थित चिनियाँ दूतावासले जारी गरेको विज्ञप्तिमा भनिएको छ,’।
चिनिँया दूतावासले विज्ञप्तिमा नेपाली विद्यार्थीसहित सबैको स्वास्थ्य सुरक्षाको प्रत्याभूति दिने बताएको छ । भाइरसबाट नआत्तिन पनि दूतावासले आग्रह गरेको छ ।
पछिल्लो अवस्थाका कारण नेपालको पर्यटन क्षेत्र प्रभावित भएको बताउँदै कोरोना भाइरसको प्रकोप नियन्त्रण भएपछि चिनियाँ पर्यटकलाई नेपाल भ्रमणका लागि प्रोत्साहित गर्ने चीनले प्रतिबद्धता जनाएको छ ।
