दार्जीलिङ, 1 फरवरी 2020/ कयेश अंसारी
दार्जीलिङ पहाडको टुङसुङ चिया बगान फ्याक्ट्रीमा आगलागी भएको छ। आज बिहानै भएको सो आगलागीका कारण फ्याक्ट्री पूर्ण रूपमा जलेर नष्ट भएको छ। अल्कमिस ग्रूप अन्तगर्त रहेको सो फ्याक्ट्री पछिल्लो पाँच वर्षदेखि बन्द अवस्थामा रहेको थियो। फ्याक्ट्री रहेको स्थानमा सडक साँघुरो भएकाले र यो दार्जीलिङ पहाडबाट लगभग 23 किलोमिटर टाढा रहेकोले पनि अग्निसमन गाडीहरू आगलागी भएको स्थानसम्म पुग्न नसक्दा आगलागीले धेरै नोक्सानी पुऱ्याएको हो। अग्निसमन गाडीहरू दार्जीलिङबाटै जानु पर्ने भएकाले पनि घटनास्थलमा पुग्न समस्या भएको हो।
हाम्रा दार्जीलिङ संवाददाता कयेश अंसारीले बताएअनुसार आगलागीका कारण फ्याक्ट्री पूर्ण रूपमा क्षतिग्रस्त भएपनि कुनै मानविय क्षति भने भएको छैन्। आगलागीको कारण अहिलेसम्म खुल्न सकेको छैन।
