नयाँ दिल्ली, 4 फरवरी 2020
भारतको राजधानी नयाँ दिल्लीमा “कुमारी एण्ड द बिस्ट” अर्थात् कुमारी र दानव शीर्षकमा नाटक मञ्चन गरिएको छ। सोमबार दिल्लीको मण्डी हाउसस्थित राष्ट्रिय नाट्य विद्यालय (एन.एस.डी.)-को अभिमञ्च भवनमा सुशिला आर्ट्स अकाडेमी नेपाल ग्रूपले कुमारी र दानव शीर्षकमा नाटक मञ्चन गरेको हो। यो नाटक कुमारीले आफ्नो दायित्व निर्वाह गर्नको लागि प्रेमको बलिदानी दिएको विषयमा आधारित छ। उनको प्रेम प्रसङ्ग असुरसँग जोडिएको छ।
सत्य युग एउटा यस्तो युग थियो जुन युगमा देवी-देवता, राक्षस र मानिसहरूसँगै पृथ्वीमा बसोबास गर्दथे। यो नाटक काठमाण्डौँ राज्यमा शासन गर्न आएकी जीवित देवी कुमारीको कथामा आधारित छ। नरदेवी नजिक रहेको प्राचीन काठमाण्डौँमा भगवान स्वेत-काली र स्वेत-भैरवको लागि जीवित देवी कुमारीको जन्म भएको किवदंती छ। कविता श्रीनिवासनद्वारा लिखित तथा निर्देशित यो नेपाली नाटकमा कुमारी असुर चन्दाको मायाजालमा फस्छिन्।
यो नाटक नेपालको शात्रिय चार्य नृत्य र समकालीन नृत्यहरूको मिश्रणका साथ लाईभ म्युजिक र प्राचिन फोटोग्राफीहरूका साथ मञ्चन गरिएको थियो।
