काठमाण्डौँ, 8 फरवरी 2020
सहिद स्मारक ‘ए’ डिभिजन लिग फुटबल अन्तर्गत शनिबार भएको खेलमा हिमालयन शेर्पा क्लबले च्यासल युथ क्लबलाई पराजित गरेको छ। एन्फा कम्प्लेक्सको मैदान सातदोबाटोमा भएको खेलमा शेर्पाले च्यासलाई 3-2 गोलअन्तरले पराजित गरेको हो। शेर्पाका लागि खेलको 28 औँ र 50 औँ मिनेटमा विजय गुरुङले 2 गोल र खेलको 33 औँ मिनेटमा त्रिदेव गुरुङले 1 गोल गरेका थिए। च्यासलका लागि हायातु वाकिनोले 2 गोल गरेपनि हार टार्न सकेन।
आजको जितसँगै शेर्पाले 11 खेलबाट 10 अंक जोडेको छ। च्यासलको 12 अंक रहेको छ।
