काठमाडौं, १३ फरवरी, २०२०
चालु आर्थिक वर्षको पहिलो ६ महिनामा प्रतिव्यक्ति विद्युत् खपत २२ किलोवाट प्रतिघण्टाले बढेको छ । असारसम्म २ सय ४५ किलोवाट प्रतिघण्टा (युनिट) रहेको प्रतिव्यक्ति विद्युत् खपत २ सय ६७ किलोवाट घण्टा (युनिट) पुगेको सरकारले जनाएको छ ।
सरकारले यो वर्ष प्रतिव्यक्ति विद्युत् खपत दर ४२ प्रतिशतले बढाउने लक्ष्य लिएको छ । आर्थिक वर्ष ०७६र७७ मा कुल १८१ किलोवाट घण्टा (युनिट) बिजुली खपत बढाउने लक्ष्य राखिएको हो ।
यो अवधिमा आन्तरिक विद्युत् जडित क्षमता १ हजार २ सय २० मेगावाटबाट १ हजार ३ सय ४३ मेगावाट पुगेको छ । सरकारको अर्धवार्षिक बजेट समीक्षा प्रतिवेदनमा उल्लेख छ ।
अघिल्लो आव ०७५ र ७६ मा खपत दर ६८ किलोवाट प्रतिघण्टाका दरले बढेको थियो । अघिल्लो वर्ष १ सय ७७ किलोवाट घण्टा मात्र थियो । सरकारले त्यसलाई आगामी साउनसम्म ४२६ किलोवाट घण्टा र्पुयाउने महत्त्वकांक्षी लक्ष्य लिएको छ ।
सरकारले चालु आवको नीति तथा कार्यक्रममा अबको ५ वर्षमा विद्युत् खपत दर ७ सय किलोवाट घण्टा र्पुयाउने लक्ष्य राखेको छ । यसैलाई ध्यानमा राखेर ऊर्जा मन्त्रालय र नेपाल विद्युत् प्राधिरकणले देशभित्रै अधिकतम उपयोगको वातावरण तयार गर्ने सोच बनाएको छ ।
निर्माणाधीन आयोजनाहरू फटाफट सम्पन्न गर्ने तथा विद्युतका ग्राहक र उनीहरूले गर्ने उपयोगदर विस्तार गर्ने सरकारको योजना छ ।
सरकारले यो वर्षबाट बिजुलीको आपूर्तिलाई विश्वसनीय बनाउने र विद्युतीय सवारी प्रवद्र्धन गर्नेलगायतका काममा जोड दिन खोजेको छ । खाना पकाउनेलगायतका घरायसी काममा पनि बिजुलीको उपयोग बढाउने पक्षमा सरकार छ । यसका लागि प्रोत्साहन गर्ने किसिमका योजनाहरू ल्याउने तयारी छ ।
देशभरको सबस्टेशनको जडित क्षमता ३ हजार ९ सय ३५ एमभीए (मेगावाट बराबर) बाट ४ हजार १ सय ५६ एमभीए (मेगावाट बराबर) पुगेको छ ।
