नयाँ दिल्ली, 18 फरवरी
चीनमा गत दिसम्बरबाट फैलिएको नयाँ कोरोना भाईरस कोविड-2019 बाट ज्यान गुमाउनेको संख्या 1868 नाघिसके पनि विश्व स्वास्थ्य संगठनले यो भाईरसलाई अन्य भाइरस जस्तो खतरनाक नभएको भनेको छ । कोविड-19, कोरोना भाईरस सार्स र मार्सको तुलनामा कम खतरनाक भएको बताएको छ । चीन बाहिर यस संक्रमणको सामान्य असर भएको भन्दै WHO ले नोवल कोरोना भाईरसको संक्रमणको रोकथामका लागि हरेक स्थानमा एकसमान उपाय गर्नुपर्ने आवश्यक्ता रहेको भनाई छ ।
विश्व स्वास्थ्य संगठनका प्रमुख टेड्रोस एधेनोम गेब्रेसिसले हिजो जेनेभामा पत्रकारहरुसँग कुरा गर्दै सभी क्रूज पोतहरुलाई जापानको डाइमण्ड प्रिंसेज पोतलाई जस्तै रोकेर बेग्लै राखिनु उचित नहुने बताउनुभयो ।
कोविड-19 ले चीनमा 70 हजार 5 सयभन्दा धेरै मानिसहरु संक्रमित भइसकेका छन भने 18 सय भन्दा धेरैको मृत्यु भएको छ । कोरोना भाईरस कोविड-19 ले निर्माण र पर्यटन क्षेत्रमा ठूलो क्षति पुगेको छ । भाईरस नियन्त्रणका लागि विमान सेवा र समुद्री परिवहनमा विभिन्न प्रकारका प्रतिवन्धहरु लगाईएका छन ।
