नयाँदिल्ली, २२ फरवरी, २०२०
सञ्चारमन्त्री गोकुल बाँस्कोटालाई राजीनामा गराउन प्रधानमन्त्री केपी शर्मा ओलीले नै पहल गरेको खुलासा प्रचण्डले गरेका छन् ।
७० करोड कमिसन प्रकरणको अडियो टेप सार्वजनिक भएपछि प्रधानमन्त्री ओलीले नै पहल गरेर सञ्चारमन्त्रीलाई राजीनामा दिन लगाएको बताएका हुन् ।
सेक्युरिटी प्रिन्टिङ प्रेस खरिद गर्ने क्रममा स्वीस कम्पनीको नेपाल एजेन्टसँग ७० करोड कमिसनबारे छलफल गरेको अडियो टेप बुधबार राति सार्वजनिक भएपछि सरकार प्रवक्ता एवं सञ्चार तथा सूचना प्रविधिमन्त्री गोकुल बाँस्कोटाले बिहीबार पदबाट राजीनामा दिएका थिए ।
अध्यक्ष प्रचण्डले फरक विप्लव नेतृत्वको नेकपालाई सरकारले आतंककारी नभनेको बताए । उनले क्रान्ति र परिवर्तनको नक्कल गरेर नहुने भन्दै संघीय लोकतान्त्रिक गणतन्त्र मानेर शान्तिपूर्ण र मूलधारको प्रतिस्पर्धात्मक बाटोमा आउन आग्रह गरे ।
‘सरकारले गैरकानुनी रुपमा बम विस्फोट गराउने, मान्छे मार्नेलाई छुट दिन सक्दैन, सरकारले त्यो संगठनलाई आतंकारी भनेको छैन’, उनले भने, ‘प्रतिबन्ध आतंककारीलाई मात्रै लगाइन्छ भन्ने छैन ।’ उनले विप्लव ढिलोचाँडो यही बाटोमा आउने समेत विश्वास व्यक्त गरे ।
