गुजरात/ 24 फरवरी
अमेरिकी राष्ट्रपति डोनल्ड ट्रम्पको भारतमा भब्य स्वागत गरिएको छ । गुजरातको अहमदाबादबाट भ्रमणको शुरुवात गर्नुभएका डोनल्ड ट्रम्पलाई त्यहाँका सबै समूदायले स्वागत गरेको हो । परिवारका साथमा भारत भ्रमणमा आउनु भएका ट्रम्प परिवारलाई नेपालीहरुको प्रतिनिधित्व गर्दै गुजरातस्थित नेपाली संस्कृति परिषद र श्री पशुपतिनाथ ट्रस्टले पनि राष्ट्रपती ट्रम्पले पनि भव्य स्वागत गरेको थियो । गुजरात सरकारले नेपाली संस्कृति परिषद र श्री पशुपतिनाथ ट्रस्टलाई स्वागत समारोहमा सरीक हुन औपचारिक स्थान दिएको थियो । भारतको इतिहासमा पहिलो पटक विदेशी पाहुनाको स्वागतका लागी नेपाली समूदायाई आमन्त्रीत गरिएको हो ।
विश्व शक्ति अमेरिका जस्तो देशका राष्ट्रपतिको स्वागतका लागि नेपाली समूदायलाई सरकारले बोलाएकोमा निकै हर्षित भएको नेपाली संस्कृति परिषद गुजरातका केन्द्रीय महासचिव महेन्द्र शर्माले बताउनु भएको छ । नेपाली संस्कृति परिषद गुजरातका प्रदेश अध्यक्ष हरिप्रसाद उपाध्याय, प्रदेश महासचिव डाक्टर खेमचन्द्र आचार्य र पशुपतिनाथ ट्रष्टका अध्यक्ष नैनसिंह बुढा लगायतको टोलीली ट्रम्पको रोड शोको दौरान संस्थाको ब्यानरसहित स्वागत गरेको हो ।
नेपाल तथा भारतका 16 राज्यमा सक्रीय रहेको नेपाली संस्कृती परिषदले नेपाली भाषा, संस्कृति र परम्परालाई जगेर्ना गर्ने काम गर्दै आएको छ । नेपाली समूदायको हकहित र उनिहरुलाई अन्य समूदायसँग एकताबद्ध गर्ने काममा पनि सक्रीय रहेको नेपाली संस्कृति परिषदले भारतमा रहेका सम्पूर्ण नेपाली भाषीहरुको प्रतिनिधित्व गरेकोछ ।
