काठमाडौँ, २६ फरवरी, २०२०
मिस नेपाल २०२० को आवेदन खुला गरिएको छ । खुला गरिएको मिस नेपालको आवेदन मार्च २७ गतेसम्म भर्न सकिने छ ।आवेदन फर्म मिस नेपालको वेबसाइटमा गएर निःशुल्क भर्न सकिने छ ।
मिस नेपालमा सहभागी हुन १९ वर्षदेखि २६ वर्षसम्मको अविवाहित युवती हुनुपर्नेछ। ५ दशमलव ४ इन्च हाइट भएको नेपाली नागरिकता वा नेपाली पासपोर्ट भएकाहरुले मात्र आवेदन दिन पाउनेछन् ।
२०२० मे १५ मा नयाँ मिस नेपाल घोषणा गरिने आयोजक हिडन ट्रेजले जनाएको छ । मिस नेपालको अडिसन धनगढी, काठमाडौं, चितवन, नेपालगंज, बुटवल, पोखरा, वीरगञ्ज, धरान र विर्तामोडमा हुने आयोजक हिडन ट्रेजरका निर्देशक दिवाकर राजकर्णिकरले बताउनुभएको छ ।
