काठमाडौँ, २८ फरवरी, २०२०
सञ्चार तथा सूचना प्रविधि मन्त्री गोकुल बाँस्कोटा न्याय खोज्दै जिल्ला अदालत काठमाडौं पुगेका छन् । सेक्युरिटी प्रिन्टिङ प्रेस खरिदका क्रममा ७० करोडको बार्गे्निङ गरेको अडियो सार्वजनिक भएपछि पदबाट तत्कालीन राजीनामा दिएका मन्त्री गोकुल बाँस्कोटा न्यायको लागि काठमाडौँ जिल्ला अदालत पुगेका छन् ।
सञ्चारमाध्यममा सार्वजनिक भएको अडियोमाथि छानबिन हुनुपर्ने माग गर्दै बाँस्कोटा शुक्रवार दिउँसो अदालत पुगेका छन् । बाँस्कोटाले भने, ‘न्यायका लागि अदालत पुगेको छु । मविरुद्ध लाञ्छना लगाउनेहरूविरुद्ध मुद्दा दायर गरेको छु ।’ बाँस्कोटाले अडियोमा बोल्ने अर्काे पक्ष विजयप्रकाश मिश्रविरुद्ध गालीबेइज्जती मुद्दा दायर गरेका छन् ।
प्रेस खरिदका क्रममा कमिसन बार्गे्निङ गरेको अडियो सार्वजनिक भएपछि बाँस्कोटाले राजीनामा दिएका थिए । बिहीवार प्रधानमन्त्री केपी शर्मा ओलीले समेत बाँस्कोटाले घुस मागेको प्रमाणित नभएको सार्वजनिक अभिव्यक्ति दिएका थिए ।
