नयाँ दिल्ली 28 फरवरी 2020
राष्ट्रपति रामनाथ कोविन्दले वैज्ञानिक अनुसन्धानको लाभ, संस्थानहरू, युवा, महिला तथा सामाजिक-आर्थिक रूपले कमजोर वर्गसम्म पुगेको खण्डमा मात्रै प्रभावकारी साबित हुने बताउनुभएको छ। राष्ट्रिय विज्ञान दिवसको अवसरमा नयाँ दिल्लीमा आयोजित समारोहलाई सम्बोधन गर्दै राष्ट्रपति कोविन्दले मानिसहरूले देशमा वैज्ञानिक उपक्रमहरूको गुणवत्ता तथा प्रासंगिकता बढाउन प्रण लिनुपर्ने बताउनुभयो। उहाँले विज्ञानले मानिसहरूको विकास तथा कल्याणमा योगदान पुग्ने गरि काम गर्नुपर्नेमा जोड पनि दिनुभयो। उहाँले स्वतन्त्रतापश्चात् नै भारतमा वैज्ञानिक सोचलाई बढुवा दिने विषयमा विशेष ध्यान दिइएको बताउनुभयो। राष्ट्रपतिले वैज्ञानिक सोच, मानवता र जिज्ञासा तथा सुधारको भावना विकास गर्नु देशका हरेक नागरिकहरूको कर्तव्य भएको बताउनुभयो।
प्रधानमन्त्री नरेन्द्र मोदीले सरकार देशमा अनुसन्धान तथा नवाचारको लागि उपयुक्त वातावरण निर्माण गर्न लागिपरेको बताउनुभयो। राष्ट्रिय विज्ञान दिवसको अवसरमा बोल्दै उहाँले यो भारतीय वैज्ञानिकहरूको प्रतिभा र अटल इच्छालाई नमन गर्ने अवसर भएको बताउनुभयो।
यस अवसरमा विज्ञान तथा प्रौद्योगिकी मन्त्री हर्षवर्धन आफ्नो मन्त्रालयले युवा वैज्ञानिकहरूलाई सशक्त बनाउन विभिन्न योजनाहरूको सुरूआत गरेको बताउनुभयो।
