गुजरात/2 मार्च
हिजो आइतबार 1 मार्च 2020 का दिन वापी (पश्चिम) नगर समितिको प्रवेश पछिको पहिलो बैठक नगर अध्यक्ष कृष्ण कुँवरको अध्यक्षतामा नगर सचीव निखिल रावतको संचालन केन्द्रीय महासचिव डम्बर रावलको प्रमुख अतिथि र महाराष्ट्र गुजरात संयुक्त राज्य समिति सदस्य एवम् वापि नगर समिति अध्यक्ष हरि महरको विशेष अतिथ्यतामा सम्पन्न भयो।
बैठकमा 23 फेब्रुअरी प्रवेश भएका तर व्यक्तिगत कामको कारण कार्यक्रममा उपस्थित हुन नसकेका मूल प्रवाह पश्चिम भारत क्षेत्रीय समिति सदस्य खडक बोगटी, देवराज जोशी र नगर सदस्य अर्जुन रावललाई महासचिव डम्बर रावलले टिका, फुलमाला लगाएर स्वागत गर्नु भएको थियो।
अर्को बैठक वापी नगर समितिका सचीव तेज रैकाल को घरमा महासचिव डम्बर रावल लाई फुल माला लगाएर वापी नगर समितिले स्वागत गरेको थियोे ।
वापी नगर समिति र वापी पश्चिम नगर समितिको बैठकलाई मार्गदर्शन गर्दै संगठनलाई मजबुत बनाउन अझै कसरत गर्नु पर्ने र आवस्यक परे आफु जुनसुकै समयमा पनि उपस्थित हुने बताउनु भयो ।
