लण्डन,11 मार्च
ब्रिटेनकी स्वास्थ्यमन्त्री नदीन डोरिस पनि कोरोना भाईरसले संक्रमित हुनु भएको छ । उहाँले आफै जानकारी दिँदै आफ्नो कोरोना भाईरसको टेस्ट पोजिटीभ आएको बताउनुभयो ।
एक बयान जारी गर्दै डोरिसले संक्रमणको बारेमा थाहा हुने बितिक्कै आफुले सावधानीका उपायहरु अपनाउँदै आफु सबैबाट अलग्गै रहेको पनि बताउनुभयो । उहाँले इङ्गल्याण्डको स्वास्थ्य विभागले आफुलाई भेटेका जतिसँग सम्पर्क गर्ने प्रयास गरिरहेको पनि बताउनुभएको छ । ”विभागकै परामर्शमा मेरो विभाग र मेरो कार्यालय केही दिनका लागि बन्द रहनेछ ” उहाँले भन्नुभयो ।
उहाँले समयमै कोरोना भाईरसको संक्रमणबारे जानकारी दिएकोमा स्वास्थ्य विभागलाई आभार व्यक्त गर्नभयो । विश्वभर नै फैलिएको यस कोरोना भाईरस प्रकोपका कारण ब्रिटेनमा 6 जनाको मृत्यु भइसकेको छ । ब्रिटेनमा अहिलेसम्म 26 हजार मानिसहरुको जाँच भएकोमा 3 सय 73 जनामा कोरोना संक्रमण भएको पुष्टी भएको छ ।
