सिलगढी, 16 मार्च, रुबेन गुरुङ
सिलगढीस्थित नन्दी तिवारी स्मृति फाउन्डेशनले विभिन्न क्षेत्रमा योगदान दिने व्यक्तित्वहरूलाई पुरस्कृत गरेको छ। यसक्रममा नन्दी तिवारी स्मृति साहित्य पुरस्कार बरिप्ठ हास्ब्यङ्ग्य साहित्यकार कृष्ण प्रधानलाई अर्पण गरियो। यसै गरी मिरिकका युवा कवि अजित विश्व “वियोगी”लाई नन्दी तिवारी स्मृति युवा पुरस्कार अर्पण गरियो। नन्दी तिवारी स्मृति छिमेकी बङ्गला भाषा पुरस्कार प्रमोद नाथलाई अर्पण गरियो।
यसरी नै हिन्दी भाषा पुरस्कार डा. भिखी प्रसाद बीरेन्द्रलाई अर्पण गरियो। सुकराज दियालीले सचिवको प्रतिवेदन प्रस्तुत गरेको कार्यक्रममा फाउन्डेशनका संस्थापक दिलीप तिवारीले स्वागत भाषण राखेका थिए भने अध्यक्ष डा. जीवन राणा अनि उपाध्यक्ष युवराज काफ्ले अनि प्रमुख अतिथि कृष्णसिंह मोक्तानले वक्तव्य राखेको कार्यक्रमको सञ्चालन शरदकुमार छेत्रीले गरेका थिए। उक्त समारोहमा समाजका बरिष्ठ नागरिकहरूलाई पनि सम्मान जनाइयो। जसमा बरिष्ठ साहित्यकार लोकनाथ चापागाईं, गायक अर्जुन रसाइली, टीएस टेगोर, निशीथ घोष, रुद्र अधिकारी, पेमा लामा, टिकाराम पराजुली, जोगमाया ब्राह्मण, हर्कमाया रसाशइली,शान्तिलता शिशुपाल रामपाललाई सम्मान जनाइयो।
यसरी नै गायिकाद्वय रजनी सुन्दास र दिपा विश्वकर्मा लगायतलाई पनि सम्मान जनाइयो। उच्च अङ्क ८९% प्रतिशत ल्याउने कल्याण उच्चतर माध्यमिक विद्यालयका आशिष् खतिवडा अनि 70% ल्याउने नक्सलबाडी माध्यमिक विद्यालयका प्रेम छेत्रीलाई पनि सम्मान दिइयो। क्रमशः अन्तर्राष्ट्रिय लघु चलचित्र 2020 को प्रतियोगितामा पहिलो स्थान प्राप्त गर्ने चलचित्र अँध्यारो the darkness का लेखक राजु शाशङ्कर, निर्देशक कृष्ण गुरूङ र टोलीलाई पनि सम्मान जनाइयो।
