कपिलवस्तु, 19 मार्च 2020
भारतीय भूमि हुदैँ सीमा क्षेत्र कपिलवस्तुको मर्यादपुरबाट नेपाल प्रवेश गरेका दुई जनामा उच्च ज्वरो सहित कोरोनाका लक्षण देखिएपछि क्वारेन्टाईन पठाउने तयारी गरेको छ। नेपाल प्रवेश गर्दै गरेका उनीहरुलाई कपिलवस्तु प्रहरीले नियन्त्रणमा लिई जिल्ला अस्पताल तौलिहवामा बुझाएको छ। अहिले अस्पतालमा उनीहरुको स्वास्थ्य चेकजाचँ भैरहेको छ।
ज्वरो उच्च देखिएकोले उनीहरुलाई जिल्ला अस्पताल तौलिहवाले निर्माण गरेको महेन्द्र आधारभुत प्रा.वि. तौलिहवाको क्वारेन्टाईनमा पठाउने तयारी भैरहेको छ। क्वारेन्टाईनमा 14 दिन राखेपछि मात्रै उनीहरुलाई आ-आफनो घर जान दिईने कपिलवस्तु प्रहरी उपरिक्षक दिप शमसेर जवराले बताउनुभयो।
दुई जना मध्य एक जना बेलायतबाट भारत हुदैँ नेपाल फर्किएका हुन् भने, अर्का पञ्जाबबाट नेपाल फर्किएका हुन्। दुवैमा कोरोनाको लक्षण देखिएकाले क्वारेन्टाईनमा राखेर उपचार गर्ने व्यवस्था मिलाईएको प्रहरीको भनाई छ। कोरोनाको संक्रमण छ वा छैन् भन्ने बारे पुष्टि भने ल्याव परिक्षण पछि मात्र हुनेछ।
