दक्षिण कोरिया, २० मार्च, २०२०
कोरिया सरकारले सार्वजनिक गरेको तथ्याङ्कानुसार दक्षिण कोरियामा कोभिड– १९ बाट संक्रमित विदेशीको संख्या ६० नाघेको छ ।कोरियामा बस्ने चिनियाँ सबैभन्दा धेरै ९३८० सङ्क्रमित छन् । स्रामा अमेरिकी (सात) छन् ।
त्यस्तै भियतनामी, मङ्गोलियाली, थाइल्याण्डवासी, अष्ट्रेलियाली र अर्जे्न्टिनी दुईदुई जना संक्रमित छन् । यसैगरी जापानी, इण्डोनेशियाली, मलेसियाली, उज्वेकिस्तानी र पोल्याण्डवासी एकएक संक्रमित रहेको तथ्याङ्क कोरियाली सरकारले सार्वजनिक गरेको छ ।
हालसम्म कोरियामा रहेका कुनै पनि नेपालीलाई कोभिड–१९ को सङ्क्रमण नभएको दक्षिण कोरियास्थित नेपाली राजदूतावासका श्रमसहचारी डिल्लीराम बाँस्तोलाले बताए । कोरियामा कोभिड–१९ को सङ्क्रमणबाट ७५ जनाको ज्यान गइसकेको छ भने हालसम्म संक्रमित हुनेको संख्या आठ हजार १६२ पुगेको छ ।
