बुटवल, २० मार्च, २०२०
रुपन्देहीको सैनामैना नगरपालिकाको एक लजमा एक व्यक्ति मृत अवस्थामा फेला परेका छन् ।
सैनामैनामा रहेको हाम्रो अर्घाखांची रेष्टुरेण्ड एण्ड लजमा सैनामैना नगरपालिका–५ का ४८ वर्षका मेघबहादुर खत्रीको मृत्यु भएको रुपन्देहीका प्रहरी प्रवक्ता खड्कबहादुर खत्रीले जानकारी दिएका छन् ।
खत्रीले अत्याधिक मदिरा सेवन गर्दा मृत्यु भएको प्रहरीको अनुमान छ । शुक्रबार बिहान अचेत अवस्थामा फेला परेपछि होटल सञ्चालकले प्रहरीलाई खबर गरेको र उपचारको लागि लुम्बिनी प्रादेशिक अस्पतालले मृत घोषणा गरेको प्रहरी प्रवक्ता खत्रीले बताए ।
