कैलाली, 22 मार्च 2020/ हिम शाह
धनगढीमा अत्यावश्यक बाहेक घरबाट ननिस्कन आह्वान गरिएको छ। धनगढी उपमहानगरपालिकाले आईतबार एक अपील जारी गर्दै अत्यावश्यक काम बाहेक घरबाट बाहिर ननिस्कन आह्वान गरेको हो। धनगढी उपमहानगरपालिकाका नगरप्रमुख नृप ओड र उपमेयर शुशिला मिश्र भट्टद्धारा हस्ताक्षरित अपीलमा अहिलेको अवस्थामा अत्यावश्यक काममा बाहेक घर बाहिर ननिस्कन, अस्पताल, मालपोत, यातायात कार्यालयमा भिड नगर्न, सिमावर्ती भारतीय बजारमा किनमेलका लागि नजान र सार्वजनिक स्थलमा भेला नहुन आह्वान गरिएको छ।
साथै भारत र तेश्रो मुलुकबाट फर्किएकालाई 14 दिन छुट्टै बस्न र 25 जनाभन्दा बढीको संख्यामा भिडभाड नगर्न अपीलमार्फत आह्वान गरिएको छ। आदेशको पालना नगतिए कानूनअनुसार कडा कार्वाही गरिने अपीलमा उल्लेख छ।
