नयाँ दिल्ली, 22 मार्च
कोरोना भाईरसको प्रकोपका कारण भारतको राजधानी दिल्लीलाई लकडाउन गरिएको छ । दिल्लीका मुख्यमन्त्री अरविन्द केजरीवाल र उपराज्यपाल अनिल बैजलले साझा पत्रकार सम्मेलन गर्दै भोली विहान 6 बजेदेखि 31 मार्च राति 12 बजेसम्म लकडाउन यसको घोषणा गर्नुभएको हो । उहाँले देशमा कोरोना भाईरस ढिलो गरि पुगेकाले अन्य देशमा पारेको प्रभावबाट हामीले सिक्नुपर्ने बताउनुभयो ।
लकडाउनका दौरान नीजि बस, टैक्सी, अटो रिक्शा, रिक्शा, ई-रिक्शा सबै सार्वजनिक यातायात सेवा बन्द रहनेछ । भने डीटीसीको 25 प्रतिशत बसहरु चल्नेछन । दिल्लीका सबै पसल, बाजार, व्यापारिक प्रतिष्ठान, फैक्ट्री, वर्कशप, कार्यालय , गोदाम, साप्ताहिक बाजार बन्द रहनेछन । दिल्लीसँग जोडिएका सम्पूर्ण राज्यहरुका सीमाहरु सील हुनेछन । आवश्यक सामानहरुः जस्तै दूध, तरकारी, खाने-पीउने सामानहरुको आपूर्ति भने हुनेछ । इन्टरस्टेट बस, ट्रेन र मेट्रो सेवा बन्द रहनेछ । सबै घरेलू र अन्तरराष्ट्रीय उडानहरु स्थगित हुनेछन । दिल्लीमा नपुगेका कुनैपनि सामानहरु अब सीमामा रहनेछन । तर यस क्रममा आवश्यक सामग्रीहरु राजधानीमा आउन दिइनेछ ।
लकडाउनको अवधिमा दिल्लीका सबै मन्दिर र मस्जिद पनि बन्द रहनेछन । नीजि कम्पनीका कार्यालय बन्द रहनेछन भने उनका कर्मचारीहरुलाई काममा खटिएको मानिनेछ भने उनिहरुको सेलरी पनि काटिनेछैन । यसको पालना नगर्ने मानिसहरुविरुद्ध कानून अन्तर्गत कडा कारवाही गरिनेछ ।
