नयाँ दिल्ली, 28 अप्रेल
दिल्ली एनसीआर क्षेत्रमा अलपत्र परेका नेपालीहरुलाई खाद्यान्न वितरण गर्दै आएको प्रवासी नेपाली मित्र मञ्च दिल्लीले आज दिल्लीको पालममा 17 परिवारलाई खाद्यान्न वितरण गरेको छ । खाद्यान्न वितरणसँगै कोरोनाविरुद्धको लडाईमा सामाजीक दूरीको पनि ख्याल राखिरहेको प्रवासी नेपाली मित्र मञ्च दिल्लीले आज विहान पालम पुगेर खाद्यान्न वितरण गरेको हो । आफुहरुलाई दिल्ली वरपरबाट समस्यामा परेका नेपालीहरुको फोनहरु लगातार आइरहेको र आफुहरुले पनि उनिहरु भएकै ठाँउमा पुगेर खाद्यान्न वितरण गरिरहेको संस्थाका महासचिव रघुनाथ पाण्डेले बताउनुभयो ।
मित्र मञ्चले आफ्ना पदाधिकारीको व्यक्तिगत सहयोग र नेपाली र भारतीय दाताहरुको सहयोगले 5 किलो चामल, 1 किलो दाल र नूनको किट तयार गरि वितरण गरिरहेको जनाएको छ । लकडाउनले 1 महिना नाघिसकेको अवस्थामा दिल्ली वरपर फसेका नेपालीहरुको समस्या बढ्दै गएको र खाद्यान्न माग गर्ने नेपालीहरुको संख्या पनि बढ्दै गएको पाण्डे बताउनु हुन्छ ।
