नयाँ दिल्ली, 9 मे 2020
प्रवासी नेपाली समाजले नेपालको लिपुलेक, गुञ्जी क्षेत्रमा भारतले एकतर्फी रुपमा निर्माण गरेको सडक निर्माण कार्य अविलम्ब रोक्न माग गरको छ। प्रवासी नेपाली जनसमाजका अध्यक्ष आजाद सेन थापाले एक विज्ञप्ति जारी गर्दै यसरी सडक निर्माण गर्नु नेपालको राष्ट्रिय स्वाधीनता, भौगोलिक अखण्डता र सार्वभौमिकता माथिको नाङगो हस्तक्षेप भएको भन्दै सडक निर्माण कार्य अविलम्ब रोक्न माग गर्नुभएको हो।
भिडियो कन्फेरेन्स मार्फत भारतीय रक्षा मन्त्री राजनाथ सिंहले भारतबाट नेपालको लिपुलेक हुँदै चीनको तिव्वतस्थित मानसरोबर जोड्ने बाटो शुक्रबार मे 8 मा उद्घाटन गरेपछि यसको चौतर्फी विरोध हुँदै आएको छ।
विज्ञप्तिमा भारतको उक्त कार्यको भत्र्सना गर्दै भारतसगँ कुटनीतिक पहल गरेर समस्याको समाधान गर्न माग गरिएको छ। साथै भारतले नेपाली भूमिमा सडकको ट्रयाक खोलेर निर्माण कार्य गरिरहदा पनि सरकार मौन रहनु आत्मसमर्पणवादी कार्य भएको भन्दै विरोध जनाईएको छ।
