कालेबुङ 9 मई (शान्ति ठटाल)
अहिलेको घड़ीमा जीटीएले खुबै प्रशन्सनीय कार्य गरिरहेको छ । जीटीए प्रशासनले चलाएको थुप्रै प्रकल्पहरू मध्ये सञ्जीवनी स्वास्थ्य सेवा पनि । यो प्रकल्पमा रोगीहरूलाई स्वास्थ्य सेवा दिनका लागि स्वास्थ्य सेवा टोली पहाड़का कुना काप्चामा पनि पुग्ने गर्दछ । यसै क्रममा कालेबुङ जिल्लाको 38 नम्बर समष्टि अन्तर्गत लिङ्गसे ग्राम पञ्चायत क्षेत्रमा शुक्रबार स्वास्थ्य सेवा टोलीले त्यहाँका पुगेर धेरै रोगीहरूलाई सेवा पुराएको छ ।
संसार भरि नै चलिरहेको कोरोना भाइरस संक्रमणलाई कालेबुङ र दार्जीलिङ पहाडमा भित्रिन नदिन गोर्खाल्यान्ड क्षेत्रीय प्रशासनले हर सम्भव प्रयास गरिरहेको छ । वर्तमान देशब्यापी चलिरहेको लकडाउन अवधि गाउँ-बस्ती, कमान, सिन्कोना बगान र सुदुर ग्रामीण क्षेत्रका मानिसहरुलाई हुनसक्ने रोग उपचार गराउनहेतु जिटिएले सञ्जीवनी स्वास्थ्य सेवा शुरु गरेको हो । यो सञ्जीवनी स्वास्थ्य सेवा कालेबुङ जिल्लाको 38 नम्बर समष्टि अन्तर्गत लिङ्गसे ग्राम पञ्चायत क्षेत्रमा सम्पन्न भएको छ । यस सेवा अन्तर्गत विभिन्न रोगीहरु का विशेषज्ञहरुलाई लिएर लिङ्गसे ग्राम पञ्चायत क्षेत्रका सयौं रोगीहरुलाई स्वास्थ्य जाँच साथै उपचारहरु उपलव्ध गराइएको छ । यस कार्यक्रममा नोड्ल अफिसर एसके सिंह कालेबुङ खण्ड २ का स्वास्थ्य अधिकारीहरु डा. नवीन जोति प्रधान अनि डा. प्रदिप्तो अध्याइ साथै अन्य स्वास्थ्य कर्मीहरु लगायत सञ्जीवनी स्वास्थ्य सेवा कालेबुङ जिल्लाका संयोजक बिनय घिसिङ अनि पंकज छेत्रीको विशेष उपस्थिति रहेको थियो।
