पुणे, 10 जुलाई 2020
भारतको महाराष्ट्र राज्यमा चोरीको आरोप लगाउँदै बुहारीलाई कुटेको घटनामा नयाँ मोड आएको छ । केटी पक्ष र केटा पक्षबिच हिजो विवादलाई सुल्झाउनका लागि समझदारी भएको छ । जानकारीका अनुसार कानूनी कारवाही नगर्ने शर्तमा केटी पक्षलाई केटा पक्षले डेढ लाख रुपैयाँ बुझाएपछि केटी पक्षले केटा पक्षमाथि कुटपिट गरेको छ । कुटपिटका कारण केटीका पति दिनेश कामी गम्भीर घाइते भएका छन ।
महाराष्ट्र राज्यको पुणेस्थित सेवाजी नगर, प्रभात रोडमा बस्ने अछाम जिल्लाको मंगलसेन वडा नम्बर 3 का स्थायी बासिन्दा कालु कामीले आफ्नी 15 वर्षकी बुहारीलाई केही दिनअघि कुटपिट गरेको भिडीयो भाईरल भएको थियो ।
15 वर्षकी बुहारीलाई मरणासन्न कुटपिट गरेको घटनाको भिडीयो उनकै श्रीमानले बनाइरहेका थिए।
समाजिक सञ्जालमा घटनाको विरोध गरि कानूनी कारवाहीको माग गरिएको थियो । त्यसको विरोध गर्दै केटीका दाई सर्जन जनालाले कानूनी कारवाही गर्ने बताएपछि कालुसिंह कामीले उनिहरुलाई क्षतिपूर्तिका रुपमा पैसाँ दिने भन्दै कानूनी कारवाही नगर्न भनेका थिए ।
नेशनल लाईभसँग कुरा गर्दै कालूसिंह कामीले हिजो सोही विषयमा सहमति गर्न केटीका दाईहरुलाई बोलाएको र डेढ लाख रुपैँया दिने र बुहारीलाई नराख्ने कागज गरेपछि उनिहरुले आफुलाई र छोरालाई कुटपिट गरेको बताएका छन । हामीले डेढ लाख रुपैयाँ उनिहरुलाई बुझाउने बित्तिक्कै आफुहरुलाई आक्रमण गरेको उनले भने ।
उनिहरुको आक्रमणका कारण केटीका पति दिनेश कामी बढि घाइते भएका छन । उनको पुणेको एक अस्पतालमा उपचार चलिरहेको छ । कालुसिंह कामीले अहिले छोरा आसीयुमा रहेको र स्थिति चिन्ताजनक रहेको बताएका छन । आज दिनेशलाई होस आएपनि खाना भने खान नसकेको बुवा कालुसिंह कामीले बताएका छन ।
एर्को तर्फ हामीले केटीका दाईलाई कयौं पटक सम्पर्क गर्न खोज्दा उनले फोननो उठाएका छैनन् ।
