नयाँ दिल्ली, 23 जुलाई 2020
नेपाली जनसम्पर्क समिति भारतले हिजो भारतभरि प्रजातन्त्र एंव समाजवादी नेता बीपी कोइरालाको 38 औं स्मृति दिवस मनाएको छ । यसै सन्दर्भमा पश्चिमोत्तर क्षेत्र भारत अन्तर्गत शाखा चंडीगढ़ले पनि सामाजिक दुरी कायम गर्दै बीपी बिचार गोष्ठीको आयोजना गरेको छ । शाखा अध्यक्ष सनी शर्माको अध्यक्षतामा गरिएको कार्यक्रममा ढाका राम पौडेल मुख्य अतिथि रहनु भएको थियो । सचिव रेशम रानाको संचालनमा भएको कार्यक्रममा मुख्य अतिथि पौडेलले बीपीको बारेमा चर्चा गर्दै उहाँले सँधै आफुभन्दा पार्टी, पार्टीभन्दा देश र जनतालाई सर्वोपरि राख्ने संस्कारको सृजना तथा विकास गर्नु भएको भन्दै आज पनि मुलुकका निम्ति बीपीको बिचार उत्तीकै सान्दर्भीक रहेको बताउनुबभयो । समारोहमा सनी शर्माको नेतृत्वमा शाखा समितिले गरेका उल्लेखनिय कार्यहरुको उच्च सम्मान गरिएको थियो । समारोहमा बीपीको स्मृतिमा वृक्षारोपण गरिनुका साथै असहाय बाल-बालिकाहरुलाई कापी, कलम समेत वितरण गरिएको थियो ।
यस समारोहमा क्षेत्रीय सदस्य जीवराज खड्का, शाखा सदस्य बुद्धिनाथ ढकाल, गमर सिंह, धन बहादुर, खड़क बहादुर क्षेत्री, आर. के. अधिकारी, ढाला राम, केशव ढकाल, ईमान सिंह महिला समितिकी अध्यक्ष देवी पौडेल, उपाध्यक्ष लक्ष्मी शर्मा, सचिव सृजना डांगीले आ-आफ्नो धारणा राख्नुभएको थियो ।
