नयाँ दिल्ली, 2 सेप्टेम्बर
कोरोना महामारी फैलिएपछि सरकार र स्वास्थ्य विभागको ध्यान त्यसैमा केन्द्रीत भएको छ । अधिकांश अस्पतालहरुलाई कोभिड अस्पतालका रुपमा विकसित गरिएको छ भने कयौं अस्पतालमा कोरोना संक्रमित विरामीलाई नै प्राथमिकता दिँदै ओपीडी सेवा बन्द गरेका छन । अहिले अकोरोना संकटलाई मध्यनजर गर्दै दिल्ली एम्सले आफ्नो सम्पूर्ण सेन्टरमा ओपीडी सेवा बन्द गरेको छ । मेडिकल अधीक्षक डाक्टर डीके शर्माले आदेश जारी गर्दै आक्समिक र अर्ध आकस्मिक विरामीहरुका लागि पर्याप्त बेड उपलब्ध गराउन ओपीडी र जनरल-प्राइवेट वार्ड बन्द गर्ने निर्णय भएको बताउनु भएको छ ।
सर्कुलरका अनुसार एम्समा आउँदो 2 हप्तासम्म ओपीडी, जनरल वार्ड र प्राइवेट वार्ड बन्द रहनेछन । जनरल र प्राइवेट वार्डमा भर्ना भएका इमरजेन्सी र सेमी-इमरजेन्सी विरामीहरुको उपचार जारी रहनेछ । आकस्मिक विरामीहरुलाई बेड नमिलेपछि दिल्ली एम्सले ओपीडी, जनरल वार्ड र प्राइवेट वार्डलाई बन्द गर्ने निर्णय गरेको हो ।
