नयाँ दिल्ली, 7 सेप्टेम्बर 2020
भारतका विभिन्न 5 शहरहरुमा आजदेखि फेरि मेट्रो रेल सेवा शुरु भएको छ । कोरोना महामारी फैलिएपछि 5 महिना बन्द रहेको मेट्रो सेवा आजदेखि दिल्ली, लखनऊ, चेन्नई, बेङ्गलोर, हैदराबाद र अहमदाबादमा शुरु भएको हो । लकडाउन खुल्ला गरि जीवनयापन सहज हुँदै गएपछि महानगरको जीवन रेखा बनिसकेको मेट्रो सेवा पनि सुचारु गर्नुपर्ने माग भइरहेको थियो ।
मेट्रो यात्राका क्रममा कोभिड-19 रोकथामका लागि यात्रुहरुले अनिवार्य रुपमा सुरक्षित दूरी कायम राख्नुपर्ने मास्कको प्रयोग गरेको हुनुपर्ने भनिएको छ ।
दिल्ली मेट्रो सेवाका लागि पहिलो चरणमा विहान र बेलुका 2 शिफ्टमा रेल सेवा शुरु गरिएको छ । आजदेखि मेट्रो रेल विहान सात बजेदेखि 11 बजेसम्म र साँझ 4 बजेदेखि राति 8 बजेसम्म चलेको छ । मेट्रोको सामान्य सेवा 12 सेप्टेम्बरदेखि शुरु हुनेछ ।
त्यसैगरि कन्टेनमेण्ट जोनमा रहेका मेट्रो स्टेशनका प्रवेश र निकास द्वार बन्द रहनेछन । त्यसैगरि लक्षण नभएका यात्रुहरुलाई मात्रै थर्मल स्क्रीनिङ गरेपछि यात्रा गर्न दिइनेछ । त्यसैगरि प्रवेश द्वारहरुमा यात्रुहरुका लागि सेनिटाइजरको व्यवस्था गरिएको छ ।
