राजस्थान, 16 सेप्टेम्बर

भारतको राजस्थानस्थित कोटा जिल्लाको गोठडा कला गाँउ नजिकै चम्बल नदीमा डुङ्गा पल्टिदा 12 जनाको मृत्यु  भएको छ । बुधवार विहान भएको घटनामा परि 4 जना बेपत्ता रहेका छन् । मृत्यु हुनेमा 6 पुरुष, 5 महिला र एकजना बच्चा पनि छन् । 25 जना बोक्ने क्षमता भएको सो डुंगामा 35 जना सवार रहेको र केही सामान र सवारी साधन पनि राखिएको थियो ।

ओभरलोडका कारण डुंगा पल्टिएको भनिएको छ । घटनास्थलमा नदीको गहिराई ४० देखि ५० फिट थियो ।  घटनालगत्तै स्थानीयले उद्धार शुरु गरेका थिए । उनिहरुले 19 जनालाई बचाएका छन । पानीको बहाव तीव्र भएका कारण 4 जना बगेर बेपत्ता भएका छन । उनिहरुलाई खोज्ने प्रयास जारी रहेको प्रहरीले जनाएको छ ।