पेशावर, 27 अक्टोबर 2020
उत्तरी पाकिस्तानको पेशावरस्थित एक मदरसामा विष्फोट हुँदा 7 जनाको मृत्यु भएको छ । घटनामा 123 जना घाइते भएका छन । लेडी रिडीङ अस्पतालका प्रवक्ता मोहम्मद आसिमका अनुसार घाइते हुनेहरुमा बालबालिका पनि रहेका छन । पेशावरका पुलिस अधिक्षक वकार अजिमका अनुसार जामिया जुबैरिया मदरसमा बिहानको नमाजपछि विष्फोट भएको थियो । विष्फोटक 5-6 किलोग्रामको आईइडी भएको र त्यसलाई अज्ञात झोलामा राखेर विष्फोट गराइएको पुलिसले जनाएको छ । विष्फोटका क्रममा 40 देखि 50 बालबालिकाहरु मदरसामा रहेका थिए । विष्फोटपछि राहत उद्धार कार्य शुरु गरिएको थियो । अहिलेसम्म विष्फोटको जिम्मा कसैले नलिएपनि पुलिसले अनुसन्धान शुरु गरेको छ । कराचीस्थित पाकिस्तान स्टोक एक्सचेन्जमा भएको आक्रमणपछि यसवर्ष सर्वसाधारणमाथि भएको यो पहिलो विष्फोट हो ।
