आगरा, 11 नोवेम्बर 2020
दिल्लीबाट नेपालको सुनौलीका लागि छुटेको एक ट्याक्सी दुर्घटना हुँदा तीन नेपालीको मृत्यु भएको छ । ट्याक्सीमा सवार चालकसहित अन्य 4 जना नेपालीहरु दुर्घटनामा परि घाइते भएका छन। ट्याक्सीले दिल्लीको सरोजनीनगरबाट 7 जना नेपाली यात्रुहरु बोकेर नेपालको सुनौली नाकासम्म यात्रुहरुलाई लिएर जाँदै थियो। जानकारीका अनुसार मङगलवार राती ट्याक्सी मथुराको बलदेव थाना अन्तर्गत माइलस्टोन 135 मा एक ट्रकसँग ठोक्किएर दुर्घटना भएको हो। ट्याक्सीले पछाडीबाट ट्रकलाई ठक्कर दिएको घटनास्थलमा पुगेका ट्याक्सी मालिकका भाई मुकेशले बताएका छन। ट्रक रोकिएको थियो कि चल्दै थियो त्यसबारेमा थाहा हुन नसकेको उनको भनाई छ।
दुर्घटनाका कारण ट्याक्सी नराम्ररी क्षतिग्रस्त भएको छ। दुर्घटनामा परि 3 जना नेपालीको घटनास्थलमै मृत्यु भएको छ भने बाँकी 5 जना गम्भीर घाइते भएका छन। ज्यान गुमाउनेमा एक बालक र एक महिला पनि रहेका छन। घाइते भएका सबैलाई आगराको कृष्णा अस्पलातमा भर्ना गरिएको छ। घटनास्थमा पुगेका गाडी धनिका भाई मुकेशका अनुसार दुर्घटनामा परेकाहरुको पहिचान हुन सकेको छैन।
जानकारीका अनुसार दिल्लीमा टूर एण्ड ट्राभल्स सञ्चालन गर्ने कुनै नेपालीहरुले ती दुर्घटनामा परेका नेपालीहरुलाई ट्याक्सीमा चढाएका थिए। घटनापछि पुलिस कारवाही पनि शुरु भएको छ भने दुर्घटनामा परेका आफन्तहरु अहिले घटनास्थल तर्फ पुगिरहेका छन।
