नयाँ दिल्ली, 25 नोवेम्बर 2020
नेपाललाई प्रविधीको क्षेत्रमा अगाडी बढाउने उद्धेश्यले स्थापना भएको राष्ट्रीय आविष्कार केन्द्रलाई सक्षम बनाउनका लागि देश-विदेशबाट आर्थिक सहयोग भइरहेको छ। यही क्रममा भारतमा बस्ने नेपाली युवाहरुले पनि आर्थिक संकलन गरि राष्ट्रीय आविष्कार केन्द्रलाई बुझाएका छन। युवा सजगता अभियान भारतका संयोजक एवं नेपाल तरुण दल भारतका महासचिव नागेन्द्र प्रसाद जोशीको सक्रियतामा राष्ट्रिय आविष्कार केन्द्रलाई सहयोग राशी हस्तान्तरण गरेको हो। राष्ट्रीय आविष्कार केन्द्रका प्रमुख महाविर पुनलाई भारतमा रहेका नेपालीहरुको पनि साथ सहयोग रहेको भन्ने उद्धेश्यका साथ भारतमा रहेका नेपालीहरुले आ-आफ्नो क्षमता अनुसार संकलन गरेको 22 हजार 540 रुपैयाँ सहयोग गरेको जोशीले बताउनु भएको छ ।
उहाँले आर्थिक सहयोग गर्ने कैलाश ऐडी, रमेश बुढा, चन्दर हम्जाली मगर, गोरख बिष्ट, शिवाकान्त झा, खगेन्द्र बहादुर सिंह, जी पी न्यौपाने, राजु मिजार, महादेव भट्ट, भरत राज भट्ट, रमेश क्षेत्री, प्रतीक तिमिल्सिना, राहुल रेग्मी, अर्जुन भण्डारी, अर्जुन बोगटी, अभिषेक यादव, मीन प्रसाद फुयाल, लगायतलाई धन्यवाद पनि दिनुभयो। उहाँले राष्ट्रीय आविष्कार केन्द्रलाई अहिले सारा नेपालीहरुको साथ र सहयोगको आवश्यक्ता भएको भन्दै आफैलाई सहयोग गर्नका लागि पनि आविष्कार केन्द्रलाई आग्रह गर्नुभयो ।
