हैदराबाद, 11 डिसेम्बर 2020
भारतको हैदराबादमा रोजगारीका क्रममा रहेका एक नेपाली सम्पर्कविहीन भएका छन । सुदुरपश्चिम अछाम जिल्ला बान्नीगडी जैगड गाउँपालिका वडा नं-2 का 28 वर्षका राजु आउजी गत 2 हफ्तादेखि बेपत्ता भएका छन । काममा जान भन्दै निस्किएका राजु आउजी सम्पर्कविहीन भएपछि 2 हफ्ताकी सुत्केरी रहेकी उनकी पत्नीसहितको परिवार निकै चिन्तित बनेको छ । इमान्दार र जिम्मेवार भनिएका राजु सम्पर्कविहीन भएपछि घरपरिवार र आफन्तजनहरुले सबै ठाँउमा खोजतलास गरिसकेका छन । अहिलेसम्म कुनै अत्तोपत्तो नलागेपछि समाचारमा प्रसारण गरिदिन भनिएको हो । खोजीमा जुट्नुभएका नेपाली जनसम्पर्क समितिका क्षेत्रीय महासचिव एवं मिडिया प्रभारी देबेन्द्र बहादुर बोगटीका अनुसार हैद्राबादस्थित लङ्गरहाउस पुलिस थानामा उनि हराएको एफआईआर पनि दायर गरिएको छ । तर अहिलेसम्म कुनै खबर पाइएको छैन । हैदराबादका विभिन्न अस्पतालहरुमा पनि खोजी गरिएको छ तर कतै फेला नपरेको बोगटीले बताउनुभयो । उनि महाराष्ट्रतिर गएको हुन सक्ने आशंका भएको बोगटीले बताउनुभयो । तस्वीरमा देखिएका राजु आउजीलाई कतै देख्नुभएको भए भेटाएमा सम्पर्क नम्बरहरु—अर्जुन आउजी- 07093416050—-नर साउँद-09959465066—-राज बहादुर कुँवर-08885419184—–रंग साउँद- 09652683114 र देबेन्द्र बोगटीलाई-09441300943 मा सम्पर्क गरिदिन आग्रह गर्दछौं ।
