नयाँ दिल्ली, 22 डिसेम्बर 2020
रोजगारीका लागि भारत आएका सुदुरपश्चिमको डोटीका एक युवक 4 वर्षदेखि सम्पर्कविहीन छन। पैसा कमाउन भारत आएका गोविन्द भण्डारी आफै पनि नआएपछि पत्नी र छोराछोरीसहित पुरै परिवारको बेहाल भएको छ । डोटीको दिपायल सिलगढी नगरपालिका वडा नम्बर ५ घोल्ताडाका 33 वर्षीय गोविन्द भण्डारी रोजगारीका लागि भन्दै 4 वर्षअघि गुजरात राज्यको भुज भन्ने स्थानमा गाँउले दाजु-भाईका साथमा आएका थिए । करिब एक महिनासम्म सँगै रहेका उनि त्यसपछि कसैलाई केही नभनि कोठाबाट निस्किएका थिए । लामो समयसम्म उनको खोजी गरिए पनि कतै नभेटिएपछि उनि अर्कै राज्यमा गएको परिवारले आशंका गरेको छ । उनि हराएपछि परिवार विचल्लीमा परेको छ ।
कोभिड-19 महामारीका कारण भारत गएका अधिकांश नेपालीहरु फर्किए पनि सम्पर्कविहीन भएका गोविन्द भण्डारी घर नफर्किए पछि परिवारले चेन्नईस्थित नेपाली जनसम्पर्क समिति भारतका केन्द्रीय सदस्य शिव बहादुर बलायर मार्फत खोजीका लागि अनुरोध गरेको छ । उनि सम्पर्कविहीन भएर भारतका कुनै पनि राज्यमा पुगेको हुन सक्ने भएकाले तस्वीरमा देखिएका 33 का गहुँगोरो वर्ण अन्दाजी ५ फिट ५ इन्च उचाई भएका गोबिन्द भन्डारीलाई कतै देख्नु भएमा मोबाईल नम्बर 81-22-96-96-48 मा खबर गरिदिन नेजस भारतका केन्द्रीय सदस्य शिव बहादुर बलायरले आग्रह गर्नु भएको छ ।
