चीन, 28 जनवरी 2021
विश्व स्वास्थ्य संगठनको 13 सदस्यीय विशेषज्ञ टोलीले लामो समयको पर्खाईपछि कोरोना भाईरस प्रकोपको उद्गमस्थल चीनको वुहानमा भाईरस कसरी फैलियो भन्नेबारे अनुसन्धान शुरु गरेको छ । चीन भ्रमणमा रहेको विशेषज्ञ टोलीले आज 14 दिनको क्वारेन्टीन पुरा गर्नेछ। टोली वुहानको एक होटलमा क्वारिन्टीनमा बसिरहेको थियो ।
WHO को विशेषज्ञ टिमले कोरोना भाईरस सबैभन्दा पहिला फैलिएको भनिएको वुहानको सीफुड मार्केटको स्थलगत भ्रमण गर्नुका साथै अनुसन्धान संस्थान र अस्पतालमा मानिसहरुसँग सोधपुछ गर्नेछ । पुरै विश्वलाई अस्तव्यस्त पारेक कोरोना भाईरसको शुरुवात कसरी भयो भन्ने सबैले थाहा पाउन चाहेका छन । अहिले यसको अनुसन्धानका लागि एक टिमले काम शुरु गर्न लाग्दा पुरै विश्वको ध्यान अनुसन्धान टोलीमाथि रहेको छ ।
WHO ले कोरोना महामारी शुरुवात भएदेखिनै वुहानमा स्थलगत अनुसन्धान गर्न खोजेको थियो तर कयौं पटक स्थगन भएको थियो । 2019 को अन्त्यमा पहिलो पटक भाईरस फेला परेको भनिएको वुहानमा वास्तविकता थाहा गर्न भन्दै टोली चीनमा रहेको छ । टोलीलेले पछिल्लो 2 सातादेखि भिडियो कन्फ्रेन्सिङका माध्यमले एक-आपसमा र वैज्ञानिकहरुसित कुरा गरिरहेका छन ।
यसअघि फरवरी 2020 मा चीनको भ्रमण गरेको WHO को एक टिमले कोभिड-19 भाईरस वुहानको सीफुड मार्केटमा जनावरबाट आएको भनेको थियो ।
यसअघि अमेरिका र अष्ट्रेलियासहित कयौं देशहरुले चीनले कोरोना महामारीको शुरुवातको चरणमा जानकारी लुकाएर पुरै विश्वलाई महामारीमा फसाएको आरोप लगाउँदै आएका थिए । तत्कालिन अमेरिकी राष्ट्रपति डोनाल्ड ट्रम्पले WHO चीन समर्थक भएको भन्दै आपत्ति प्रकट गर्दै आउनु भएको थियो । गत साता महामारी तयारी एंव कारवाही सम्बन्धि स्वतन्त्र समितिले WHO र चीनले कोभिड-19 महामारीको शुरुवातमै तीव्रताका साथ यसको रोकथाम गर्न सक्ने थिए भनेको थियो ।
