काठमाण्डौ,2 अप्रैल 2021
राष्ट्रिय सभाका अध्यक्ष गणेशप्रसाद तिमिल्सिनाले नेपालको मिडिया विश्वसामु प्रतिस्पर्धामा पुग्नुपर्ने बताउनुभएको छ। शुक्रबार संसदीय मामिला पत्रकार समाजको नवनिर्वाचित कार्यसमितिलाई पदभार हस्तान्तरणको कार्यक्रममा बोल्दै अध्यक्ष तिमिल्सिनाले नेपालको मिडियालाई दुनियाँले सुन्ने बनाउनुपर्नेमा जोड दिनुभयो। सही सूचनालाई विश्वभर पु¥याउने काममा पत्रकारहरुको भूमिका महत्वपूर्ण हुने पनि उहाँले बताउनुभयो । कमी कमजोरीहरुलाई सच्याएर अघि बढ्ने कुरामा ध्यान दिन पनि अध्यक्ष तिमिल्सिनाले सुझाव दिनुभयो ।
उहाँले भन्नुभयो ‘सही सूचनाहरुलाई दुनियाँभर पु¥याउने काममा पनि यहाँहरुको भूमिका हुनुपर्छ। अझै त्यो बढ्दै जाओस् र कमी कमजोरीहरुलाई सच्याएर अगाडी जाओस् भन्ने कुरालाई ध्यान दिएर लानुपर्ने हुन्छ । मिडियामा पनि उच्चतम नमुना दिनसक्ने देश भनेर बनाउने कुरातिर पनि यहाँहरुले सोच्नु भा छ कि ? नभए नी सोचिदिनुहोला ।’
मिडियाबाट आएका समाचारहरुबाट पनि सांसदहरुले आफूलाई सुधार गर्ने गरेको उहाँले बताउनुभयो । संसदको गतिविधिहरुलाई जनता समक्ष पु¥याउन पत्रकार तथा मिडियाहरुको महत्वपूर्ण भूमिका रहेको पनि बताउनुभयो ।
