काठमाडौं, 15 सितम्बर 2021
नेपाल–भारत रेल सेवा सुरुआतको १७ वर्षपछि पहिलोपटक भारतबाट निजी क्षेत्रको कार्गो रेल नेपाल आइपुगेको छ । बुधबार निजी क्षेत्रको कार्गो रेल नेपाल आइपुगेको हो। बिहान १० बजे हिम्ड टर्मिनल प्रालीको एक र्याकको कार्गो रेल बुधबार वीरगञ्जस्थित सुख्खा बन्दरगाह आइपुगेको नेपाल इन्टरमोडल यातायात विकास समितिले बताए । हल्दियबाट खाद्यान्नको २० फिट अग्लो ९० वटा कन्टेनर बोकेको रेल वीरगञ्जस्थित सुख्खा बन्दरगाह आइपुगेको इन्टरमोडल यातायात विकास समितिका कार्यकारी निर्देशकले जनाएका छन । नेपाल–भारत रेल सेवा २०६१ सालमा भएको सम्झौताअनुसार भारतीय सरकारी स्वामित्वको रेलले मात्रै नेपाललमा सेवा दिंदै आएको थियो । रेल सेवा सम्झौता पुनरावलोकन सम्झौतामा गत जुलाई २०२१ मा भएको दुई देश बीचको सहमति भए पछि नेपालमा निजी क्षेत्रका रेलले पनि सेवा सञ्चालन गर्नका लागि बाटो खुलेको थियो । निजी क्षेत्रको रेलद्धारा सेवा दिन पाउने गरी भएको सम्झौताको २ महिना ६ दिनमा पहिलो निजी रेल नेपाल आएको उद्योग वाणिज्य तथा आपूर्ति मन्त्रालयले बताए ।
