काठमाण्डौ, 17 सितम्बर 2021
पाकिस्तान र न्युजिल्यान्डबीचको सिरिज स्थगित भएको छ । न्युजिल्यान्डले सुरक्षाको कारण देखाउँदै खेल्न नसक्ने जानकारी गराएपछि सिरिज स्थगित भएको हो । खेल सुरु हुनु भन्दा केहि समय अगाडी न्युजिल्यान्डले सिरिज स्थगितको निणर्य गरेको छ। सुरक्षाको कारण देखाउदै न्युजिल्यान्डको टिम समयमा पाकिस्तान पुग्न सकेको थिएन। न्युजिल्यान्ड र पाकिस्तानबीचको पहिलो एकदिवसीय 17 सेप्टेम्बरमा रावलपिन्डीमा हुने तय भएको थियो । न्युजिल्यान्डको टिम 17 सेप्टेम्बरमा नै स्वदेश फर्कने तयारीमा रहेको संचारमाध्यमले जनाएको छ । न्युजिल्यान्ड लामो समय 18 वर्ष पछि पाकिस्तान गएको थियो । 12 वर्ष पहिले पाकिस्तामा श्रीलंकाको टिममाथि आक्रमण भएका कारण सुरक्षाको दृष्टिकोणले पाकिस्तानमा बिदेशी खेलाडीहरू खेल्न त्रसित हुने गरेका छन।
