काठमाडौं, 25 सितम्बर 2021
शनिबार रातिदेखि लागू हुने गरी सार्वजनिक सवारीसाधनमा सरकारले देशभर नयाँ भाडादर कार्यान्वयनमा ल्याएको छ ।भौतिक पूर्वाधार तथा यातायात व्यवस्था मन्त्रालय मातहतको यातायात व्यवस्था विभागद्धारा देशभरमा नयाँ भाडादर कार्यान्वयनमा आएको जनाएको छ। सार्वजनिक सवारीसाधनको भाडादर विगतमा निर्धारण गर्दा इन्धनको अंश ३५ प्रतिशत र अन्य सूचकको अंश ६५ प्रतिशत मानी निर्धारण गरिएको विभागले उल्लेख गरेको हो ।हाल पेट्रोल र डिजलको मूल्यमा पनि वृद्धि भएको छ।भाडा निर्धारण गर्दा अन्य सूचकलाई यथावत राखी क्याल्कुलेसन चार्टमा इन्धनको सूचकलाई मात्र हालको मूल्यको आधार लिई प्रचलित भाडादरमा वृद्धि गरिएको विभागले उल्लेख गरेको छ । भाडादर समायोजन गर्ने निर्णयानुसार शनिबारदेखि लागू हुने गरी भाडादर समायोजन गरिएको विभागले स्पष्ट पारेको छ ।
